Shirchin says: Bi Egypt ywmaar baina..mun uu!!

4 сарын 10 нд Бөхийн өргөөнд болох "Үндэсний роботын тэмцээн Robocon2010" тэмцээн урьд урьд жилүүдийнхээс илүү сонирхолтой, өрсөлдөөнтөй /халуухан / болох төлөвтэй байгаа бөгөөд нийт 17 их дээд сургуулийн 20 шахам баг оролцох бололтой. Манай сургуулийс 2 баг оролцох бөгөөд шөвгийн дөрөвт МУИС-н 4 баг хоорондоо учраа таарч 3 дараалан түрүүлээд байгаа МТС-н цуварлыг манай сургуулийн баг зогсооно гэж найдаж байна. kkk Сургууль, анги хамт олон найз нөхөд та бүхэн 4 сарын10-нд дуу хоолойгоо нэгтгэн зуу зуугаараа орьлолдон бахиралдах ШУТИС-н хөгжөөн дэмжигчдийн эсрэг биднийг хүчтэй дэмжиж урам хайрлана гэдэгт итгэлтэй байгаа шүү...ккк 17 сургуулийн 2-с бусад нь бараг ШУТИС-н харъяа сургуулиуд бөгөөд тэдэнд МУИС хамгийн шилдэг нь гэдгийг хамтдаа мэдрүүлцгээе! tiim uu!!

Sodoo says: Danke Bayern Munchen !!!

Сайн байцгаана уу? Би өнөөдөр нэг сникерстэй болсон тухайгаа та бүгдтэй хуваалцмаар санагдлаа. Чухам яаж сникерстэй болсныг та бүхэн эхлээд сонирхох байх. Урд шөнө буюу 2010 оны 3-р сарын 31-нд Европын хөлбөмбөгийн холбооны хамгийн нэр хүндтэй тэмцээн болох Аваргуудын лигийн 1/4 шигшээ тоглолтын эхний 2 тоглолт нь болсон юм. Эдгээрийн нэг нь мэдээж Английн Манчестер Юнайтэд болон Немцийн алдарт Байерн Мюнхен клубуудын тоглолт байсан. 1999 онд уг хоёр баг Аваргуудын лигийн шигшээ тоглолтод учраа таарч Байернчууд нүдэндээ нулимстай Каталоны нийслэлийг орхиж байсан цаг саяхан мэт санагдна. Оливер Биерхоффт нулимс, Дэвид Бэкхэмд нэр төрийн баталгаа, Ферги болон бүх Манчестерчуудад цомыг авчирсан уг тоглолт аль хэдийн ард хоцоржээ. Харин энэ удаад буюу 11 жилийн дараа Нидерланд мэргэжилтэн Луй ван Гаалийн удирдсан хүчирхэг Байернд хариугаа авах сайхан боломж олдсон юм. Германчууд бол зорилгынхоо төлөө тууштай тэмцэгчид, тиймээс надад яагаад ч юм тэднийг Аллианз Аренадаа ялалт байгуулна гэсэн итгэл сугалааг сонссон тэр мөчөөс эхлэн төрсөн. Тийм учир миний бие хэнтэй ч, юугаар ч мөрийцхөд бэлэн болоод байсан билээ. Гэтэл надтай зэрэгцэн ангийн анд Ж.Мөнх-Эрдэнэд мөн "Улаан чөтгөрүүд"-ийг хожно гэсэн итгэл төрсөн бололтой. Тиймээс Мюнхен хотод 20:30 цагт эхлэх тоглолт дээр мөрий тавих таатай нөхцөл байдал үүссэн юм. Мөрийний хувьд нэг сникерс байсан. Мөрийцөөд хожсон сникерс ямар гоё байдаг гээч нтр................

Тоглолт эхэллээ....
66 дахь секундэд Английн супер довтлогч, Вазза хочит Уэйн Рүүни, Луйш Нанигийн дамжуулалтаар гоолдчихдог байна шүү ...
Аз болоход цаана нь 89 мин үлдэж. Эхний үе 0:1 ийн харьцаатайгаар өндөрлөсөн. Миний сникерсийг надаас нэг алхамаар холдуулсан Рүүнид дургүй хүрч байлаа. Тоглолтын хоёрдугаар үед миний итгэл улам ихээр нэмэгдсэнд би их баярласан. Тиймдээ ч 77 дахь минутад Францын шигшээ багийн хагас хамгаалагч Фрэнк Рибэри намайг сникерсийн өрнөөс гаргаж чадлаа. Ийнхүү явсаар эцсийн дүнд 2009 онд хойд нутгийн Хамбург клубээс Байернд ирсэн Хорват довтлогч Ивица Олич надад сникерсийг өөрийн ур чадвараар авч өгсөн юм. Ингээд агуу Баваричуудад хожил, итгэл найдвар надад сникерс авчирсан уг тоглолт миний хүссэн үр дүнгээр өндөрлөсөнд баяртай байна. Хариу тоглолт ирэх Лхагва гарагт Манчестер хотын Олд Траффорд цэнгэлдэх хүрээлэнд болно.
Баярлалаа Байерн Мюнхен ......

Sodoo says: 100 жилийн давтамж ...

Сайн байцгаана уу? Ангийн андуудаа ойрын үед зав зай муутайгаас болоод блогруугаа олигтой юм оруулж чадсангүй удсанд хүлцэл өчье. Блогын толгойг сольсноос өөр олигтой зүйл хийсэнгүй. Тунгалагын оруулсан “инээмсгэлэл” гэх нийтлэлээс хойш сар гаран шинэ соргог зүйлсийг блогын гишүүд олж хараагүй билээ. Хөгжилтэй байх болов уу гэсэн үүднээс доорхи мэдээллийг орууллаа. Зарим нь сонссон байж ч болох гэхдээ дахин уншхад илүүдэхгүй гэдэгт итгэлтэй байна. Энэ юун тухай вэ? гэвэл 1776 онд тусгаар тогтнолоо дэлхий нийтэд зарласан, галаар тоглох дуртай, эрх чөлөөний эх орон гэх “хуурамч” нэрээрээ олны шүтээн болсон АНУ-ын 16 дахь ерөнхийлөгч Абрахам Линколн болон 35 дахь ерөнхийлөгч болох JFK нэрээрээ олонд танигдсан Жон Кэннэди нарын амьдралд тохиолдсон төстэй зүйлсийн жагсаалт юм. Ингээд олон зүйлс нуршилгүй жагсаалттайгаа танилцацгаая.

Абрахам Линколн	Жон Кэннэди
Линколн 1846 онд конгрессийн гишүүн болсон.	Кэннэди 1946 онд конгрессийн гишүүн болсон.
1860 онд АНУ-ын ерөнхийлөгчөөр сонгогдсон.	1960 онд АНУ-ын ерөнхийлөгчөөр сонгогдсон.
Түүний эхнэр нь цагаан ордонд амьдарч байхдаа хүүхдээ алдаж байжээ.	Түүний эхнэр нь цагаан ордонд амьдарч байхдаа хүүхдээ алдаж байжээ.
Линколны нарийн бичгийг Кэннэди гэдэг байсан ба тэрээр түүнд театрлуу явхыг нь эсэргүүцэж байжээ.	Кэннэдигийн нарийн бичгийг Линколн гэдэг байсан ба тэрээр түүнд Далласруу явхыг нь эсэргүүцэж байжээ.
Тэрээр эхнэрийнхээ хажууд дагзруугаа буудуулан нас баржээ.	Тэрээр эхнэрийнхээ хажууд дагзруугаа буудуулан нас баржээ.
Линколн Форд хэмээх нэртэй театрт буудуулсан.	Кэннэди Форд компаний үйлдвэрлэсэн машинд буудуулсан.
Түүнийг Жон Вайлкэс Бүүт(John Wilkes Booth) хэмээх хөлсний алуурчин хороосон ба түүний нэр 15 үсэгнээс бүрддэг байна.	Түүнийг Ли Харвэй Осуалд(Lee Harvey Oswald) хэмээх хөлсний алуурчин хороосон ба түүний нэр 15 үсэгнээс бүрддэг байна.
Бүүт нь Линколныг театрт хороосны дараа цагдаа нар түүнийг агуулхаас барьжээ.	Осуалд нь Кэннэдиг агуулхаас буудсан ба цагдаа нар түүнийг театраас барьжээ.
Линколны дараах ерөнхийлөгч Андрю Жонсон(Andrew Johnson) 1808 онд төржээ.	Кэннэдигийн дараах ерөнхийлөгч Лайндон Жонсон(Lyndon Johnson) 1908 онд төржээ.

За ямартай ч 100 жилийн давталттай энэ сонин зүйлд өөрөө ч итгэхэд бэрх байлаа гэхдээ зарим нэг зүйлс яах аргагүй үнэн байх юм. Энэ хорвоо ертөнц аргагүй баян юм. Юу ч болохыг үгүйсгэх аргагүй. Яагаад яг ингэж таардаг байна гэдэг асуултыг өөр өөртөө үлдээцгээе. Тэвчээр гарган уншсан та бүхэнд баярлалаа.