Temka™ says:Goy sanagdchla

Tungaa says: Hakuna matata...

VanQuish TG OpoZiT - Hakuna MaTaTa [www astro it mn]

Зиа, сайхан нь л амарч байгаа биз дээ. Залуучууд! Уйдаагүй биз дээ. Бага зэрэг хамаагүй байя. Болно биз дээ. Манийх нь энэ тэр гээд, сүүлийн үед ажиллаж байгаа бүтээл, кэкэ, худлаа яриад байх гүй юу гэж. Хурдан хэлдэг хэсэг нь аягүй сэтгэл хөдөлгөм энэ тэр ккк. Яадын хараал хэлсэн ч яадын гэдгийн, энэ тэр гээд. Яадын энэ тэр гээд хэлсэн ч яадын. Дээр оруулсан дуун дээр ёс бус хэллэг (аая, аягүй албаны үг хэлсэн)-ийг нь хасаагүй болно. lyrics-ийг нь "Page"-ийн "Lyrics"-д оруулсан гэж ойлго. Сонирхоод үзээрэй гэж. Өмнө нь сонссон л байх, тэгээд яадын, дуугүй бай, алга бол энэ тэр гээд. Сонс.... Муулахад, балиар паржигнасан хоолойтай гарууд байна шүү.

Temka™ says:Grandma Gangsters DVDrip 2010

Энэ үнэн алж өгдөг алиа 3н эмээгийн тухай кино.Татаж аваад үзээрэй.Megaupload дээр тавьсан байгаа болохоор хурдан татагдана.English subtitle-г нь бас татаж авахаар оруулсан байгаа.Нээрээ megaupload дээр free account нээчих юм бол 45 секунд биш 25 секунд хүлээнэ.Megaupload-с үнэхээр аймар татна.За тэгээд киногоо үзчихээд сэтгэгдлээ бичээрэй.

Хэсэг 1
Хэсэг 2
Англи хадмал

Sodoo says: The Film Hafta Watch ...

Амар байцгаана уу? манайхаан. ДАШТ дууссан биш амралтаа авсан шөнийн ээлжийн үйлдвэрийн ажилчин шиг л үд болтол унтаж амарч байна даа. Нээрээ Энхсайхан, Даариймаа хоёртоо болон бидний дунд мэндлээд удаагүй байгаа бяцхан охинд энэ ертөнцийн хамгийн сайн сайхан бүхнийг хүсэн ерөөе. Хүн бүр дор бүрнээ амралтаа сайхан өнгөрүүлж байгаа гэдэгт миний бие итгэлтэй байна. Миний хувьд зогсоо зайгүй кино татаж түүнийгээ шимтэн үзэж, гадаа усаар байлдаж л энэ "аюултай" халуун зуныг өнгөрүүлж байх шиг. Харин ингэсний ачаар Уарнэр Брос Филмийн 2008-2010 онуудад хийсэн бүх киног дуусгасан юм. Олон олон чадварлаг найруулагчдын бүтээсэн гайхалтай бүтээлүүд дундаас онцлох кинонуудын тоо маш олон байгаад миний бие их баяртай байгаа билээ. Миний одоо танилцуулах гэж буй кино нь өнөөх дуусгачихсан гээд гийгүүлээд байгаа Уарнэр Бросын бүтээл биш. Харин тэдний хүчтэй өрсөлдөгчдийн нэг болох Юниверсаль Пикчэрсийн бүтээл юм. Би бусад үзэгчидээс харьцангуй хоцорч уг бүтээлтэй танилцсан байж болох ч үзээгүй нь олон байгаа болов уу гэдэг үүднээс уг бүтээлийг онцлохоор шийдлээ. Үзээгүй нэгэнд нь заавал үзэхийг уриалж байна. Ингээд киноны тухай товчхон ....

Хэрцгий гэмээр дүр зургууд бүтээлд олонтаа харагддаг Итали гаралтай АНУ-ын кино найруулагч Кэнтин Тарантиногийн сенсаци тарьсан бүтээлүүдийн нэг болох "Inglourious Basterds" нь 2009 оны 5-р сарын 20-нд Францын Каннын 62 дахь удаагийн кино наадам дээр нээлтээ хийсэн. Тус кино нь Каннын кино наадмын тэргүүн шагнал болох "Алтан Навч"-ыг хүртсэн төдийгүй SS-ийн хурандаа Ханс Ландагийн дүрээр уг кинонд голлох үүргийг гүйцэтгэсэн Австрийн жүжигчин Кристопф Вальц нь "Шилдэг Жүжигчин"-ийн номинацид ялалт байгуулсан гэх мэт амжилтууд энэхүү бүтээлд олон юм. Алдарт Брэд Питт болон Майкл Фассбэндэр тэргүүтэй Герман, Франц, Австри, Ирланд болон АНУ-ын жүжигчдийн чадварлаг баг гар нийлэн Тарантиногийн удирдлага дор ажилласан нь ямар ч найруулагчын шүлсийг асгаруулмаар байсан. Бүх зураг авалтыг Германд хийсэн бөгөөд киноны нийт өртөг нь 70 сая америк доллар аж. Киноны тухай товчхон хүргэх гэснээ болилоо. Гэнэт залхуу хүрчлихлээ ... Татаад эсвэл надаас аваад үзэж болно шүү энэ киног. I hope you love it obviously ... thank you for your attention ...

   

Temka™ says:Where amazing things

Just watch it.let's help someone how big how small for who need help...

Tungaa says: Minii bodloor...

Саяхан "Миний бодлоор" гэдэг нэртэй хөгжилтэй олон ангит УСК MN25 суваг дээр гарсныг үзсэн үү! Эрэгтэй гол дүрийн жүжигчид нь их царайлаг болохоор үзсэн байхгүй юу ккк. Тэгэхдээ хөгжилтэй. Нээрээ энэ кинон дээр нэг таавар таалгадаг байхгүй юу. Хариулаарай.. Эхний таасан хүнд шагналтай мэдээж 'Сникерс' шүү. За таавар: Алим, лийр, банана, ачсан ачааны тэрэг явж байгаад огцом тормос гишгэж гэнэ. Анхаар! асуулт: Энд юу унасан бэ? 

Заза энэ гарчигнаас болж байгаа юм. Шал өөр зүйл ярьчихлаа. Гол асуудал гэвэл  "FIFA WORLD CUP 2010" -ийн талаархи " Миний бодлоор" гэсэн нэртэй миний үзэл сэтгэхүй шингэсэн бяцхан өгүүлэмж бичиж суугаа нь энэ. Зиа юунаас эхлэх вэ гэж. Аан, тийн энэ дэлхийн аврагаас миний дэмжиж байсан багууд гэвэл тун олон. Бразил, зааны ясан эрэг, Япон, 2 Солоногос, Португаль, Англи гээл. Тэр дундаас Мексикийн шигшээ баг, миний хувьд шинэ гэхүүдээ таалагдаж нэлээн дэмжсэн.   Живони Дос Сэнтос, Содоогийн хэлдгээр хүүхэлдэй шиг тэр нөхөр хурдан, чадварлаг гэж яана аа. Дандаа л инээж явна. Миний юм мэдэхгүй нүдэнд шууд л өртөж байгаа юм чинь.   

Хэхэ.. Нээрээ хөлбөмбөг үзэхэд охидууд эрчүүдээс нэгээр илүү үзүүлэлт харж байдаг байх аа . Би Содоогийн  "Beauty In The World" дууны клипийн тухай ярьхад нь бодсон юм кк. Юу гэвэл царай хардаг. Үнэн биздээ. Жишээ нь би өөрийн мэдэлгүй тэр чинь царай муутай гээл ярьчихдаг ккк. Михаил Баллак-ийн тэр бардам ч гэх юм уу, ихэмсэг ч гэх юм уу дүр төрх надад таалагддаг. Мэдээж үүнийг нь хананд наалдаад зогсож байгаа юм шиг тэр шулуухан зогсолт, тэр ширүүн зан авир, тэр гоё инээмсэглэл нь бүрдүүлдэг байх л даа ккк.  Ер нь Баллакийн фэн болсноор Германыг дэмжих болж, энэ жил ч мөн дэлхийн аврагыг ширүүхэн үдэв ээ кэкэ. 2008 оны Европын аврагаар ОХУ-ын шигшээ, Германы шигшээ багуудыг дэмжиж байсан хэдий боловч "мөнөөх гайхал Испани"-ий шигшээд хожигдож, Германы шигшээ мөнгөн медаль дээр буусан даа. Тэр цагаас хойш Испанид дургүй болсон гэдэг. Хүүхдээрээ байна уу. Ямар сайн даа энэ жил Швецарьт хожигдсон шөнийн маргааш Испани хожигдчихсон гээд инээгээд сэрэх вэ дээ. Мууг нь үзэхийг үнэхээр их хүсч байсан юм шиг байгаа юм. Тэгэхдээ "Дэлхийн аврага" болчихоод Испаний ард түмэн тэгэж их баярлахыг хараад бахархаж, болох юм болж дээ гэж бодсон. Нээрээ ахлагч Икер Касиллас хөөрхөн эхнэртэй юм байна билээ гэж. Ямар испани хэл ойлгох биш хамт яваад байхаар нь хамаатан л байв гэж эхнэр нь биз гэж бодсон. Касиллас "Алтан бээлий" шагнал авсан. Мэдсэн биз дээ. Хамгийн хүчирхэг, мэргэжлийн баг байсаан гэж. Зиа мэдээж хамаг бүхнийг шуугиулж, үнэхээрч Хамгийн шилдэг  багийн шагналыг авах гавъяатай шигшээ баг  бол Германы шигшээ. Тун залуухан тоглогчид ирсэн болохоор миний таних нь цөөхөн, Баллак ч байхгүй. Тэгэхдээ Австралийг дөрөв, тэгдсэн тоглолтноос хойш найдвар төрж эхэлсэн дээ. Учир юу гэвэл 2008 оны Европын аврагаас хойш, дэлхийн аврагыг хурдан болоосой гэж яарах болсон. Испани, Герман хоёрыг дахин уралдуулах санаа их байсан гэх үү дээ. Тэгэхдээ огтхон ч гуниглах юм алга Германы шигшээ үнэхээр бахархууштай тоглосон. Тэд шуугианы эзэд. Тэр дундаа Томас Мюллер, хамгийн бяцхан алтан шаахайтан мөн шилдэг шинэ залуу тоглогчийн шагналуудыг хүртсэн юм.Энэ Германы шигшээгээс Өзил, Жером Боатэн ер нь бүгд л, сэлгээгээр орж ирсэн Кроос хүртэл догь байсан. Нээрээ ийм шинэхэн багийг үхтлээ дэмжиж байсан нь ойр хавийн хүмүүст үнэхээр төвөг удсан бололтой. Испанид хожигддог өдөр олон хүн онцгүй мессеж явуулсан гээч.  Би гомдсөөн. Заавал тэгэж хор шар хөдөлгөж хэрүүл өдөх хэрэг байхгүй л байсан болов уу. Би хэрэндээ л даруухан байсан ш дээ. Герман Испантай муу тоглоогүй, тоглодгоороо л тоглосон. Энэнээс илүү тоглох байсан гэвэл Пуёолыг хэн нэгэн тэр үед хааж зогсох ёстой байсан байх. Харин харамсал төрүүлсэн нь миний хувьд гэвэл Бразилын хасагдах тоглолт, Английн хоёроор гарсан явдал байсан юм. 

 
Нэг их сүрхий ажил болгож хэд хоног үзсэн болохоор бичих юм их байх хэдий болвч ингэс хийгээд дуусгая дөө. Хэзээ нэг өдөр үүнийг уншаад энэ хэдэн өдрийг санах байх. Тэр ч бүү хэл өвчтэй, тариулаад гэртээ байгаа минь ч бас санагдах биз. Ийм зүйл бодоод бичсэн юм шүү. Миний бодлоос хуваалцсанд баярлалаа. Бас л хөлбөмбөг бичсэнд уучлаарай. Цаашид аятайхан хэдэн мэдээ хийхийг бодно,оо.

 
Сайхан амарцгаагаарай! залуусаа!

 
 

Tungaa says: congratulations on your new baby girl!!

энэ муухай нь хүүхдийг хараачээ. гээл үү.

Өөлхөн байгаа биз. Тэгэхдээ барууны царайтай юм тээ.

 Хайрт найзууд Энхээ болон Дарий нартаа бяцхан үр нь мэндэлж, эцэг эх болсонд нь баяр хүргье! Миний төсөөлөхийн, амьдралдаа анх удаа ийм их тэвчээр гаргаж, догдолж сандарсан биз. хэхэ... Юутай ч танай гэр бүлд чин сэтгэлээсээ баяр хүргэж байна. Охин хүүхэд учраас би хамаагүй төрсөн өдөр, энэ тэр юм бичилгүй орхилоо. Харин энэ дашрамд "Бүүвэйн дуу" оруулъя гэж саналаа. Бүүвэйн дууг сайн сонсож өссөн хүүхэд өр нимгэн хүн чанар сайтай хүн болдог гэдэг юм байна билээ. Бүүвэй гэдэг нь БҮҮ-АЙ гэсэн үгээс гаралтай шувуу дагаж явсаар гэрээсээ холдож хээр төөрсөн нялх хүүхдийн тухай домоглон холбодог гэсэн.

           Бүүвэйн дуу

Ангир шувууны дэгдээхэй шигээ

Алсаас ээжийгээ дуудаад л байна уу даа

ээ бүүвэй бүүвэй ээ бүүвэй бүүвэй

Хараацай шувууны дэгдээхэй шигээ

Харцааараа ээжийгээ дуудаад л байна уу даа

Галуу шувууны дэгдээхэй шиг

Ганган гунгана дуудаад л бна аа

Хайртай хонгор үр минээ чи

Халуун манцуйд аа унтаарай

Sodoo says: Дурбан дахь бөмбөгдөлт ...

Сайн байцгаана уу? Өнгөрөгч шөнө ӨАБНУ-ын Дурбан хотод дэлхийн гурван удаагийн аврага хүчирхэг Германы шигшээ багийг Винсэнт дэл Боскэгаар удирдуулсан өнөө цагийн хамгийн шилдэг бүрэлдхүүн бүхий Испанийн шигшээ Карлес Пуйолийн гоолоор буулган авч шигшээ тоглолтод Нидерландын шигшээгийн эсрэг тоглох болзлоо хангалаа. Хангалттай сенсацийг дэгдээж, хангалттай гоолуудыг оруулаад байсан Германы, Пер Мертесакер болон Филлип Лам тэргүүтэй арын фронт өнгөрөгч шөнө хамгийн завгүй нь байж Испаничуудын бөмбөгдөлтөд тэсэлгүй бут ниргүүллээ. Тоглолтоос нь Барселона хэв маяг илхнээ харагдаж байсныг бодолцон Армадаг сайжруулсан Барса хэмээн нэрлэх санаа тэрхэн зуур төрөөд амжсан юм. Давид Вийья, Пэдро Родригэс, Андрес Иниеста болон Шави Эрнандэс нараас бүрдсэн довтолгооны шугамаас хархад дасгалжуулагч Винсэнт дэл Боскэ хурдтай довтолгоог талбайн төвөөр илүү өрнүүлэх сонирхолтой байсан бололтой. Хэрэв формдоо төдийлөн орж чадаагүй яваа "алтан жаал" Фэрнандо Торрэсийг талбайд бүр гараанд гаргасан бол тоглолтын үр дүн одоогийнхоос эсрэг гарах байсныг үгүйсгэхгүй. Харин нөгөө талаас Томас Мюллерийг эс тооцвол тийм ч том өөрчлөлт Германуудын хувьд гараагүй билээ. Герман ямар ч алдаа гаргалгүй хийдэг л юмаа хийсэн харин Испани тэднээс хэд дахин илүү байж шинэ дэлхийн аврагыг дэлхий нийтэд бэлэглэх сайхан нөхцөл байдлыг бүрдүүллээ. Уран гоёмсог тоглолтоороо дэлхий нийтийг баясгаж чадсан Германы шигшээ багт БАЯРЛАЛАА!!!                  

Enkee says: Дэлхийн цом хэн нь авах вэ?

Дэлхийн хөлбөмбөгийн аварга шалгаруулах тэмцээн эхлээд нилээдгүй хугацаа өнгөрчихлөө. Зуслан дээрээ хөлбөмбөг үзээд л компьютер, интернэт хоёроос их хол байсан болоод ч тэр үү мэдээ оруулсангүй их удлаа. Шөвгийн тоглолтууд үнэхээр сайхан болж байна. Мэдээж миний хайртай Английн шигшээ баг гутамшигтайгаар хожигдож нутгын зүг залсан. Нүдэндээ нулимстай, дотроо шартай, ууртай үзэж суусан тэр тоглолт саяхан байсан. Гэтэл Англичүүдийг буулгаж авсан Германчүүд өчигдөрхөн домогт Марагаар удирдуулсан Аргентинчүүдийг бас л уйлуулчихлаа. Герман баяр хөөрөөр дүүрэн дэлхий аварга болж байх шиг байна. Надад одоогоор дэмжих баг үлдсэнгүй дээ. Японыг Азийн сүүлчийн төлөөлөл болохоор нь мөн ч их дэмжсэн. Сайн ч тоглосон Парагвайтай сайхан ч хожигдсон. Хожигдлоос илүү хожил нь үнэтэй байсан ч болох юм болдогоороо л боллоо. Хамгийн харамсалтай гэмээр зүйл гэвэл саяхан болсон Африк тивийн сүүлчийн төлөөлөл Гана, Уругвайд азгүй ч гэмээр хожигдсон явдал байлаа. Мэдээж тэр тоглолтын баатар бол Суарез байсан гэдэгтэй хэн ч маргахгүй бизээ. Алтан гар ч гэж нэр өгмөөр тэрхүү агшин үнэхээр азгүй явдал байсан билээ Ганачүүдийн хувьд. Бөмбөг Ганын талд байгаагүй ээ. Ээдрээтэй гэмээр асуудал үлдэж байгаа нь хэн Дэлхийн аварга болох вэ? Ууг нь Бразилчүүдийг итгэл төгс дэлхийн аваргыг дахин өргөөд Хэксакампион (Hexachampion) гэдэг нэгэн шинэ нэрийг дэлхийн хөлбөмбөгийн түүхнээ нээх болов уу гэж бодсон ч харамсалтай Улбар шарууд тэр тусмаа Снайждер тэдэнд саад болсон. Үнэхээр дэмжих ч баггүй, хэн нь ч аварга болж мэдэхээр сайхан дэлхийн аварга болж байна. Харин Мирослав Клозе бүх цаг үеийн мэргэн буучдын жагсаалтыг тэргүүлэх сайхан боломж нээгдэж байгаа юм. Тэрээр 14 гоалтай Бразилийн манайхны туулай гэж нэрлэдэг Роналдогийн ард удаалж байна. За хамтдаа бүгдээрээ юу болохыг цаашдаа хамтдаа харцгаая.